الكلمات اهداء من  ع الرفاعي

استخدم X او علامه السالب في الاعلى للعوده للصفحه السابقه

هتجن ياريت يا خوانا مارحتش لندن و لا باريز

ده بلاد تمدين و نضافة و ذو ق و لطافة و حاجة تغيظ

مالا قيتش جدع متعافي و حافي و ماشي يقشر خص

و لا شحط مشرمخ أفندي معاه عود خلفة و نازل مص

و لا لب أسمر و سوداني و حمص و انزل يا تقازيز

هتجن ياريت يا خوانا مارحتش لندن ولا باريز

ده بلاد تمدين و نضافة و ذو ق و لطافة و حاجة تغيظ

و لاصايع طالع يجري وصايع تاني بيجري وراه

و يقول هاع حصلتك يابن اللأبصر ايه عاملاه

لا شارع غيط يا خوانا و لا احنا بدارة و لا احنا معيز

هتجن ياريت يا خوانا مارحتش لندن ولا باريز

ده بلاد تمدين و نضافة و ذو ق و لطافة و حاجة تغيظ

و لا واحدة في وش الفجر تبرطع ماليه الدنيا صوات

قال ايه جوز خالتي ام أحمد سلفة أخوها السيد مات

سبحانك مأ عظم شانك و الله الموت ده طعم و لذيذ

هتجن ياريت يا خوانا مارحتش لندن ولا باريز

ده بلاد تمدين و نضافة و ذو ق و لطافة و حاجة تغيظ

و لا واحد يبييع حاجة يقول بريال و تأخدها بصاغ

 الابرة كمان في بلدنا تاخدها بدوشة و قلب دماغ

حلفان و عراك و مناهدة و يمكن ضرب كفوف يا حفيظ

هتجن ياريت يا خوانا مارحتش لندن ولا باريز

ده بلاد تمدين و نضافة و ذو ق و لطافة و حاجة تغيظ

ولا عركة في نصف الليل دايرة بالحيل و سا حبها بوليس

قدامها جدع متجرجر و شه معور قال ده عريس

الخلق ما هي بتتجوزو اشمعنا احنا مافيش تمييز

هتجن باريت يا خوانا مارحتش لندن و الا باريز

ده بلاد تمدين و نضافة و ذو ق و لطافة و حاجة تغيظ

و لا فيش ميت الف صعيدي هاجميين و لا فيش

ميت الف معوض داعس جاي معاه صندوق ورنيش

و الله كرهت القهوة و حرمت أقعد عالأفاريز

هتجن ياريت يا خوانا مارحتش لندن و لا باريز

ده بلاد تمدين و نضافة و ذو ق و لطافة و حاجة تغيظ

و لا شفتش ده اللي بلاسة و ده اللي بعمة و ده بطربوش

ملابسنا يا ناس تشكيلة تعد اصحابها ما يتعدوش

دول ناس كنا أحسن منهم قول و مسيرنا باذن الله

بنقى احسن منهم برضك بعد الدرس اللي أخدناه

و الله ده عيب نتهجى دروس يأساتذة على التلاميذ

هتجن ياريت يا خوانا مارحتش لندن و لا باريز

ده بلاد تمدين و نضافة و ذو ق و لطافة و حاجة تغيظ